Tottenhami bën përparime, shpreson në transferimin e Bale

12:35 | 31 Janar 2020
A. B.

Tottenham Hotspur është i bindur në rikthimin e Gareth Bale në skuadrën e tyre.

E ardhmja e yllit nga Uellsi ka qenë njëra nga më të përfolurat në afatin kalimtar të verës, por një largim i tij nga Real Madridi nuk ndodhi.

Megjithatë, zërat për largimin e tij nga Bernabeu nuk janë ndalur as në këtë afat kalimtar dhe Bale është lidhur me disa skuadra.

Njëra nga to ka qenë edhe ish-skuadra e tij, Tottenhami, që e do rikthimin e Bale në White Hart Lane.

Bale gjatë kohës sa ishte lojtar i Tottenhamit

Tottenhami beson se ata kanë bërë një përparim në përpjekjet për të rikthyer Bale në klub nga Real Madridi.

Sipas The Times, klubi nga veriu i Londrës janë të bindur se një marrëveshje mund të bëhet, megjithëse nuk është arritur asnjë pajtim me lojtarin apo klubin. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm